Co gallo do Día Mundial da Agua, que naceu como iniciativa do chamado Cumio da Terra de Rio de Janeiro no ano 1992, e se celebra cada 22 de Marzo, os creadores da Historia das Cousas lanzan agora unha nova entrega dos seus reveladores videos.

Na Historia da auga engarrafada explícannos como os executivos das empresas produtoras de bebidas conseguiron facerlle crer a xente que era malo o consumo de auga da rede, e como esta industria innecesaria é terribelmente dañina para o medio ambiente. O video explica tamén como foi creada a industria da auga por medio da 'demanda manufacturada'. É dicir: ninguen pensaba que fose lóxico pagar por auga até que as campañas de comunicación comezaron a facer crer a xente que a auga da billa non era saudábel.

O documental pode verse subtitulado en ´galego internacional´ premendo no botón CC da parte de abaixo do video.

Quen non ouviu falar dos Paraísos Fiscais? Pero, para que serven os Paraísos Fiscais?. Cal é a razón de ser dos Paraísos Fiscais?
Ben, pois os Paraísos Fiscais existen porque existe o diñeiro, nin máis nin menos, xa que serven para esconder diñeiro. Para esconder diñeiro? Si, para esconder diñeiro. E quen esconde diñeiro nos Paraísos Fiscais? Pois, os ricos esconden diñeiro para non pagar impostos, as empresas esconden diñeiro para non pagar impostos, as mafias esconden diñeiro para non ser descubertas, o terrorismo esconde diñeiro para non ser descuberto... Pero os Paraísos Fiscais non serven unicamente para non pagar impostos, tamén serven para ocultar perdas, como no caso dos bancos que os utilizan para este fin, para ocultar perdas. Lembren, a Banca non pode perder nunca, sempre ten que amosar beneficios! As grandes empresas que cotizan en Bolsa tamén ocultan perdas para que as Bolsas non se afundan e por último e isto xa é o "cagarse" os Estados tamén esconden perdas ou déficits como ocorreu con Grecia recentemente. Si alguén cre que o caso de Grecia é un caso illado ese alguén é un inxenuo...


Ler máis...

 

Onde foron a parar todos os peixes? É a pregunta que se expón no documental "The End of the line", e a resposta que achegan os científicos participantes nel é tan cruel como sinxela: "Estamos a loitar unha batalla contra os peixes, e estámola a gañar".

Ler máis...
zocarede

Rede Galega de consumo responsábel