enraizar no asfalto 1

A economía social está en auxe en Galicia, con máis de 10.000 entidades presentes na Comunidade. Dentro destas, as cooperativas dan emprego a máis de 25.000 persoas e medraron nun 30% dende o comezo da crise; até superar as 1300. A alimentación é un dos sectores onde máis arraigado está o cooperativismo, dentro do cal as empresas que traballan en ecolóxico duplicáronse nunha década.

A economía social enraizou nun momento economicamente adverso poñendo no centro ás persoas. Consolidado o modelo, é o momento de reforzar estruturas e redes de colaboración que permitan aumentar o impacto e ofrecer solucións á cidadanía que requiren dun artellamento maior.

Cales son os principais retos do consumo responsable? É todo o que se nos presenta como ecolóxico ambiental e socialmente sostible? Que podemos facer as consumidoras para estar seguras de que o noso consumo é responsable e beneficia á nosa contorna inmediata? Como espallar estas iniciativas para aumentar a nosa capacidade de decisión sobre o consumo de produtos e bens de necesidade diaria?

As xornadas abertas Enraizar no Asfalto, organizadas pola Unión de Cooperativas Espazocoop en colaboración coa Cooperativa de Consumo Responsable Zocamiñoca e financiadas polo Concello da Coruña pretenden achegar distintas experiencias de consumo responsable tanto na contorna da Coruña, a nivel galego e doutros puntos da península. Afondarán no que podemos facer como consumidoras para dinamizar o territorio, evitar a perda de poboación das áreas rurais ou alimentarnos mellor.
Co gallo do X aniversario da cooperativa de consumo Zocamiñoca, sita na Coruña; as xornadas misturan actividades de difusión, obradoiros prácticos e actividades de tipo lúdico; cunha oferta de actividades dirixidas ás máis pequenas.

Inscríbete aquí: https://bit.ly/2XHq5HK

PROGRAMA: (baixa o pdf)

SÁBADO 30 DE NOVEMBRO

MAÑÁ

Aula Centro Cívico Monte Alto

11:00h – 14:00h. Peque-creadoras. Espazo de conciliación.

  • Dinamiza Taller de Polo (aforo máximo 20 persoas, actividade de balde previa inscrición)

Salón de Actos Centro Cívico Monte Alto

11:00h – 11:15h. Inauguración. O cooperativismo de consumo, cando mercar conciencia.

  • Representante do Concello de A Coruña.
  • Representante da Unión de Cooperativas EspazoCoop. Constantino Gago Conde, xerente de EspazoCoop.
  • Representante de Zocamiñoca S. Coop. Galega. X Aniversario da Cooperativa. Yolanda Sánchez.

11:15h – 12:00h. Zocamiñoca: unha historia de 10 anos construíndo alternativas na Coruña.

  • Socias consumidoras da cooperativa.

12:00h – 14:00h. Redes que escalan cambios: Os casos da Subbética Ecolóxica (Córdoba) e a Rede Galega de Desenvolvemento e Educación Para o Rural (Galicia).

  • Modera: Helena Martínez Cabrera. Zocamiñoca Soc. Coop. Gal.
  • Coidar a terra e ás persoas: circuítos curtos de comercialización. Iniciativa agroalimentaria Subbética Ecolóxica (Córdoba). Inés Criado e Rafael Arroyo. Vogal de Comunicación e Secretario.
  • Máis aló do Eixo Atlántico: a sociedade civil en defensa dun territorio vivo. Rede Galega de Educación e Desenvolvemento Rural. Alicia López Pardo e Alfonso Filgueira. Membros da Directiva.

XANTAR

Menú de cociña portuguesa no Recuncho de Esmeralda, 15 euros/persoa. Inscrición previa (Rúa Pelamios, 7)

TARDE

Aula Centro Cívico Monte Alto

17:30h – 20:00h. Peque-artistas. Espazo de conciliación.
Actividade paralela para nenos e nenas (até 5 anos con persoa adulta a cargo), combinando actividades guiadas para a elaboración de manualidades con materiais sostibles, tradicións doutros lugares de Europa e xogo libre . Aforo máx. 20 persoas, previa inscrición

Centro municipal de empresas Accede Papagaio

17:00h – 18:30h. Obradoiro de empoderamento fiscal e económico (de balde, previa inscrición, persoas adultas).

  • Imparte: Helena Sanmamede. Étikas.Socia de Zocamiñoca.

18:30h – 20:00h. Obradoiro de experimentación sobre autocoidados en saúde. (Centro municipal de empresas Accede Papagaio) Actividade para persoas adultas e maiores de 11 anos. Aforo máx. 20 persoas, previa inscrición

  • Imparte Estefanía Zardoya. Médica de familia e asesora en saúde. Socia de Zocamiñoca.

Salón de Actos Centro Cívico Monte Alto

17:00h – 18:30h. Solucións aquí e agora. O Plan Alimentario 2014-2022 nas Mariñas Coruñesas.

  • Modera: Laura Castro
  • Balance 5 anos despois: obxectivos, retos e oportunidades. Jorge Blanco Ballón. Xestor Reserva Biosfera "Mariñas Coruñesas e Terras do Mandeo" .
  • Asociación e Escola Infantil Municipal A Caracola (Novo Mesoiro, A Coruña): o proxecto de comedor ecolóxico. Beatriz Ferreira. Directora do Centro.
  • Escola de Agricultura Ecolóxica Raíña Paraíso (Vilasantar). Producir en ecolóxico para a integración social. Raquel Freire.

18:30h – 20:00h. Mesa Redonda. Economía social en Galicia: cando a alternativa se fai norma.

  • Modera: Espazocoop: Constantino Gago.
  • Panxea consumo responsable, Coop (Santiago de Compostela). Estéban González.
  • Zocamiñoca, consumo responsable, Coop (A Coruña). Marcial Blanco.
  • Outra forma de vivenda (A Coruña). Ramón Segura.
  • Arbore consumo consciente, S. Coop. Galega (Vigo). Cándido Martínez.
  • Nosa enerxía, S. Coop. Galega (Galicia). Ángel Montero Campos.
  • Bico de grao, S. Coop. Galega (Lugo). Amaia Santamarta.
  • Mercado da terra, S. Coop. Galega (Lugo). Vito Santalha.

Peche lúdico

20:30h – 21:30h. Monólogo Chusco e Bruneti. Cervexería Artesá Caneca Furada (Rúa Panadeiras, 20, Baixo). Actividade de balde con pincho de cortesía preparado por produtoras de Zocamiñoca.

DOMINGO 1 DE DECEMBRO (CAMPO DA LEÑA)

11:00 – 17:00h. Posto Zocamiñoca e produtoras de proximidade, con información a persoas interesadas e venda de produtos da cooperativa.

12:30h – 13:30h. Mesa Consumo responsable a pequena escala, coa participación de grupos de consumo da provincia da Coruña.

  • Grupo de consumo Carballo. Diego e Sonia
  • Millo Miúdo(Oleiros). Coqué Saavedra
  • Zocamiñoca. Maru Regueiro
  • Grupo de consumo Orro. Luz Manso

13:30h – 14:30h. Sesión vermut Festa X Aniversario da Cooperativa Zocamiñoca, amenizada pola cantautora Sofía Espiñeira.

Estade atentas, que pronto ven a festa de celebración do noso aniversario. Será o sábado 30 de novembro e domingo 1 de decembro. Pronto teremos o programa e necesitaremos a participación de todas, porque todas queremos participar do consumo responsable e de Zocamiñoca. Reservade data!!!

festazoca

ctznadal2018

 

Pode parecer o contrario, pero as festas de Nadal son fantásticas para as familias interesadas no consumo consciente. É certo que as grandes empresas mercandean coas ilusións dos pequenos. Aprovéitanse, por exemplo, do vínculo emocional que moitos nenos estableceron con personaxes televisivos para vender máis. Ao mesmo tempo, ofrécenlles xoguetes sexistas que reforzan a dicotomía de xénero e os roles que se lle asocian. Todos sabemos, ademais, que a maioría dos xoguetes son de mala calidade e moitas non achegan valor ao xogo infantil.

Con este panorama, podemos sacar algunha cousa positiva destas festas? Cremos que si. Precisamente porque son datas nas que en moitas casas consúmese moito, pode ser un bo momento para aprender algunhas cousas da forma como consumimos. Facémosvos algunhas propostas que poden axudar.

A carta aos Reis Magos

O momento de escribir a carta aos Reis Magos é unha oportunidade única para charlar sobre consumo cos fillos. Podemos propiciar que reflexionen e saquen as súas conclusións sobre aspectos tan relevantes como a diferenza entre o desexo e a necesidade, a distancia entre o valor de algo e o seu prezo e a influencia da publicidade nas nosas decisións.

Podémoslles propor, por exemplo, que dos elementos da lista, como mínimo un responda a unha necesidade e non a un desexo. Se lles faltan ideas, podemos repasar xuntos se algunha peza de roupa ou os zapatos reclaman un cambio. Ou se lles fai falta renovar a súa portabocadillos ou a cantimplora. Tamén se pode aproveitar para mirar se lles fai falta algo de material escolar, algún elemento de almacenaxe ou un paraugas. Así pode xurdir unha conversación sobre cales son as necesidades auténticas das persoas. Pero tamén sobre a capacidade humana de desexar e a importancia que pode ter satisfacer os nosos desexos.

Algunhas familias teñen a tradición que una das cousas que se piden aos Reis Magos non se pode comprar con diñeiro. Nestas datas, en que a miúdo se tira a casa pola xanela, pode ser un bo exercicio para lembrar que as cousas máis importantes non teñen prezo. De feito, a miúdo, son os mesmos nenos os que piden de forma espontánea paz ou amor.

No momento de facer a carta, para os pequenos é difícil non deixarse levar polas mensaxes publicitarias aos que están sometidos de forma intensa. Ademais, como a miúdo pasa coa publicidade, non son conscientes da súa influencia. Para que reparen niso, pode ser útil limitar o nome de agasallos pedidos que fosen anunciados na televisión ou vistos nun catálogo. Desta forma, o exercicio mental que deben facer os nenos é desconectar das ideas que le viñeron dadas para conectar con el mesmo e preguntarse: con que me gusta xogar? que xoguetes son os que me proporcionan bos intres de xogo?

O valor dos xoguetes

Son días de vacacións e, mentres esperamos a chegada dos Reis, ás veces hai tardes que se fan longas e son difíciles de pasar. Unha actividade que lles podemos propor é facer memoria dos xoguetes que lles regalaron o ano anterior. Ir buscalos e valorar xuntos en que estado áchanse e que uso fixemos deles durante o ano. Quizá a nave espacial que anunciaban na tele rompeu o segundo día? Ou se cadra quedou esquencida nun caixón todos estes meses? E aquel xogo que chegou en casa da tía e que non fixo ningunha ilusión, poida que sexa o que nos trouxo as tardes de xogo máis memorables?

O paso seguinte pode ser aproveitar para organizar un taller de limpeza e reparación de xoguetes. Facerlles unha posta a punto é unha bo método para sacar o foco da expectativa de estrear pronto e dar valor ao que xa temos. En caso de atopar algún xoguete electrónico estragado, podemos levalo a un taller de reparación. Despois, se nos gusta manter o segredo dos Reis, podemos propor aos nenos que monten unha exposición para que cando cheguen, vexan que trataron ben o que lles trouxeron o ano anterior.

Tamén pode pasar que atopásemos algún xoguete roto que xa sabemos que non dará xogo en casa. Entón unha opción é levalos a algunha entidade que os recolle. Tamén algúns concellos organizan recollidas e intercambios de xoguetes. Na Coruña AVV Oza Gaiteira Os Castros dispon dunha campaña ata o 20 de decembro.

Ademais, no proceso de recuperar e condicionar os xogos, poida que algún que quedara acantoado, agora resucite. Ata poida que algún agasallo da lista sexa substituído para poder pedir algún pequeno complemento para o que xa temos, como un vestido novo para o boneco, unha ponte para o circuíto de tren ou unha extensión dun xogo de construción.

Fonte artigo: http://opcions.org/es/opinion/navidades_consumo_ninos/

mostradopctz

 

A Mostra do Posible  é un encontro de entidades de economía solidaria e movementos sociais mediante o que se pretende visibilizar que exinten alternativas para construír entre todas un mundo máis xusto. Celebrase en Cangas do Morrazo o 6 e 7 de Outubro.  Contará cun amplo programa de actividades de balde ata completar aforo, dende obradoiros, palestras, proxección de documentais e filmes, actuacions , xantar popular, concurso fotografico, etc.

Por unha banda, as empresas de economía solidaria están confecionando potentes ferramentas de transformación colectiva, que buscan cooperar en lugar de competir e poñen ás persoas no centro. A economía solidaria fai posible que hoxe en día podamos satisfacer parte das nosas necesidades cotiás contribuíndo a creación dun mundo máis xusto e solidario.

Por outro lado, os movementos sociais buscan influír na toma de decisións sobre o que é de todas,  defendendo que outro tipo de políticas públicas é posible. Ademais, nos movementos sociais reside a creatividade e a experiencia de outros xeitos de organización colectiva.

Podes consultar o programa e toda a información na  web : https://mostradoposible.gal

 

zocarede

Rede Galega de consumo responsábel