Corunha Baleira

A Plataforma cidadá Proxecto Cárcere abre a convocatoria fotográfica "Coruña Baleira" ata o 13 de Maio para visibilizar os espazos, que como o antigo cárcere da Torre, están en desuso na nosa cidade. As imaxes recibidas serán expostas no blog e redes sociais de Proxecto Cárcere e unha vez remate a convocatoria serán utilizadas en accións reivindicativas organizadas pola Plataforma.

Para mais información visitar a sección "Coruña Baleira" no blog de Proxecto Cárcere (http://proxectocarcere.blogaliza.org/coruna-baleira/) ou contactarnos no email Este enderezo de correo está a ser protexido dos robots de correo lixo. Precisa activar o JavaScript para velo.

Herbas medicinais

O vindeiro domingo 9 de marzo a partir das 10:30 no local social de Santa Margarida en Montemaior (A Laracha).

Constará dunha charla arredor das herbas medicinais a cargo do enxeñeiro forestal David Allo e a fitoterapeuta Maite Prego. Ao rematar a charla, terá lugar unha ruta interpretativa de recoñecemento de herbas medicinais.
Cada persoa levará o avituallamento que precise para pasar o día (bocadillo, bebida...)
A inscrición é gratuíta a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo. , mensaxe de facebook e nos teléfonos 627275677/ 696155232. Tamén vos podedes inscribir no horto ecolóxico do Concello de Carballo (rúa Nardos), que estamos dinamizando desde a asociación Senda Nova. Alí podédesnos atopar mércores, xoves e venres de 16:00 a 19:00 horas. Tamén estamos alí o sábado pola mañá (10:00 a 13:30), sempre e cando non nos teñamos que trasladar aos muros do casco urbano carballés, nos que estamos a desenvolver o proxecto Pintamos Moito. Máis información sobre as actividades da asociación ambiental Senda Nova en http://www.sendanova.org/

Segundo Ecologistas en Acción, durante as festas de Nadal en España, chegamos a desbotar até un 40% dos alimentos que mercamos ou preparamos, e xeramos 2 quilogramos de lixo por persoa e día, dos que a metade son envoltorios e embalaxes.

Tamén é destacable que nos xantares destas datas consumimos unha serie de alimentos nos que as materias primas precisas para a súa elaboración teñen procedencias do máis diverso e supoñen un grande desperdicio enerxético e ambiental a nível de transporte e producción.
No Nadal comemos turróns, mazapáns, polvoróns e outros productos dos que moitas veces descoñecemos a súa procedencia e elaboración.
Sabías que os primeiros países productores de mel, necesaria para a elaboración do turrón, son China e Arxentina? E que as améndoas veñen de E.U.A?
Sabías que China produce e exporta a maioría dos ovos e tamén é a principal productora de fariña de trigo, ou que E.U.A. é a exportadora marioritaria?

En parte por isto e noutra porque tiñamos moita curiosidade por coñecer o proxecto de Alex, o sábado 14 de decembro xuntámonos unhas 20 persoas na cociña do Centro Cívico do Castrillón, para descubrir algúns dos secretos culinarios do Forno Vegano, o proxecto de Alex, que decidíu apostar por aprender pouco a pouco o mundo da repostería e convertilo na súa forma de vida.
Ler máis...

Feira de sementes en Betanzos

O sábado 15 de febreiro haberá un novo encontro da rede. Desta vez toca perto, será en Betanzos, na Praza do Campo (Irmáns García Naveira). Polo momento aínda non está pechado o programa, pero xa temos un adianto:

  • 10.00h Apertura da feira.
  • 11.00h Apertura da mesa de troco.
  • 12.00h Obradoiro de " Plantas que curan plantas. Purines e extractos vexetais para a horta".
  • Obradoiro para crianzas.
  • 14.00h Xantar popular. Trae a túa comida para compartir!
  • Obradoiro para crianzas.
  • 18.30h  Charla-Debate "Apropiación dos recursos naturais por parte das oligarquías e o Estado".
  • 19.00 Peche da mesa de troco.
  • Ao longo do día: música para acompañar a xornada, feira de produtores ecolóxicos e artesáns e xogos para crianzas.
  • A mesa de troco de sementes estará pechada de 14.00 a 16.00h
  • Haberá carpas e en caso de temporal a xornada será no Matadoiro (Rúa José García Acuña/Rúa Marina, Betanzos)

Máis información na web da Rede Galega de Sementes: http://redegalegadesementes.wordpress.com

encontro grupos consumo

A pasada fin de semana Zocaminhoca asistiu ás xornadas sobre Grupos de Consumo que se celebraron nas Corcerizas, participando coas compañeiras dos grupos de consumo responsable de Pontevedra (A Gradicela) e Ourense (Semente, O Grelo Verde e Agrelar) nunha mesa redonda para valorar a situación e os problemas neste tipo de iniciativas. Contou ademais coa participación de labregas de Ferrolterra, Lugo e Redondela.

Foron dous días de intensa convivencia onde persoas de moi variado perfil intercambiamos opinións, experiencias e sentimentos nun marco espectacular como é o da Serra de San Mamede e arredor doutro proxecto senlleiro como é o das Corcerizas de Amigos da Terra.

As xornadas completáronse con dous obradoiros moi útiles como o de “extracción de sementes” impartido por Jacobo Ojea e de “autoproducción de fungos” da man de Brais.

Podedes ver algunhas fotos do encontro no seguinte enlace: nov13 as corcerizas

zocarede

Rede Galega de consumo responsábel